Црна хроника
Кривична пријава за првиот човек на комбинатот „Џумајлија“
Финансиската полиција поднесе кривична пријава против Зоран Даневски (49), управител и сопственик на комбинатот „Џумајлија“ од Лозово, осомничен за злоупотреба на овластувањата и перење пари.
Даневски, според пријавата, во текот на 2011 година во својство на извршен директор на комбинатот неовластено оттуѓил 4.451,23 тони меркантилна пченица и 998 тони јачмен во сопственост на Агенцијата за стоковни резерви, во вредност од 86.162.031 денари и парите ги присвоил за себе.
Во обид да прикрие дел од незаконски заработените пари, Даневски купил недвижен имот во Бугарија, а останатиот дел со изготвување на цесии ги префрлал на правни субјекти во негова сопственост. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.