Црна хроника
Украдени 14 икони од дебарска црква

Во дебарската црква „Света Богородица“, извршена е голема кражба на вредни икони и други вредни предмети со насилно влегување во црквата која се наоѓа во населбата Варош, во горниот дел на градот.
Намесникот на Дебарската парохија, отец Благоја Спировски за Макфакс изјави дека станува збор за 14 украдени икони со голема вредност, но исто така украдена е и плаштеницата стара три века.
Крадците украле и пари. Спировски рече дека во понеделникот попладне по дознавањето за кражбата, полицијата и другите институции извршиле увид, но засега крадците остануваат непознати .
Кражбата, според намесникот Спировски, била извршена преку прозорците, кои имале метални прачки, но тие биле извадени со оштетување на рамката на ѕидовите околу прозорците.
Во оваа дебарската црква последната кражба според Спировски била извршена во 1988 година./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.