Црна хроника
Прободено 15-годишно момче кај Бит Пазар
![](https://makfax.com.mk/wp-content/uploads/2016/11/17a83889-35f0-452c-89c4-55cf3fdfbf4f.jpeg)
Петнаесетгодишно момче било нападнато и прободено, најверојатно со нож во грбот на автобуската постојка, на булевар „Крсте Петков Мисирков“, кај Бит Пазар, соопшти СВР Скопје.
Инцидентот се случил околу 7.30 часот утрово, кога пет, шест непознати лица кои се симнале на постојката од автобус број 50 го нападнале 15-годишниот С.К. и го прободеле со остар предмет, најверојатно нож во пределот на грбот.
Детето е однесено во болница, додека напаѓачите избегале. Полицијата работи на расчистување на случајот.
Во петокот три лица, меѓу кои еден малолетник беа повредени во тепачка што се случила меѓу две групи во автобусот 22 на Јавното сообраќајно претпријатие, пред мосотот „Обединети нации“ во Карпош. За овој инцидент полицијата приведе осум малолетници./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.