Црна хроника
Со нож тешко повреден вработен на паркинг во Скопје
Контролор на Градски паркинг завршил во бесознание во болница, откако претходно со нож бил тешко повреден од две лица среде бел ден во центарот на Скопје, бидејќи на напаѓачите не можел да им обезбеди паркинг простор.
Инцидентот се случил во средата околу 13.30 часот, во Скопје на бул.„Гоце Делчев“ поточно на паркингот пред Тетовскиот универзитет.Според МВР, додека Р.А. (21) од Скопје бил на работното место контролор во Градски паркинг со колегата Н.И., дошло ПМВ „БМВ“ со скопски регистерски таблички во кое имало две лица, по што истите го прашале дали има место на паркингот и му рекле дека мора да им најде место, во спротивно физички ќе го нападнеле Лицата излегле од возилото и со употреба на нож му нанеле повреди во пределот на грбот и на левата потколеница, а почнале и да го влечат, по што истиот паднал во бесознание и со возило бил однесен во Градската општа болница. Скопската полиција презема мерки за пронаоѓање на сторителите. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.