Црна хроника
Повредени двајца црногорски државјани кај „Мавровка“

Двајца црногорски државјани биле повредени попладнево во тепачка што се случила попладнево кај трговскиот центар „Мавровка“, потврдија од МВР.
Во полиција околу 13.30 часот била пријавена тепачка кај трговскиот центар „Мавровка“, но кога полицијата излегла на терен не затекнала ништо.
Подоцна од Специјалната болница за хируршки болести „Наум Охридски“ во полиција било пријавено дека кај нив биле примени двајца црногорски државјани со повреди.
Едниот од нив бил деветнаесетгодишен, а другиот дваесет идеветгодишен и според нивните кажувања, тие не биле дојдени во Скопје за вечерашниот натпревар што треба да се одржи на арената „Филип Втори“ меѓу фудбалските репрезентации меѓу Србија и Македонија.
Црногорците биле нападнати околу 12.30 од неколкумина непознати лица. Полицијата го расчистува случајот./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.