Црна хроника
Во источна Франција разбиена албанска наркомафија

Минатата седмица во операција во источна Франција во Мулуз во која учествувале околу 250 француски, швајцарски и германски полицајци приведени се 43 осомничени од кои 20 останале во притвор поради трговија со дроги, објави во вторникот француската полиција.
Последните години албанската мафија почнала поактивно да дејствува во Франција, објасни на прес-конференција претставникот на француската полиција задолжен за истрагата Реми Кутен, пренесува AFP.
Во Мулуз и во регионот во границата на трите земји, на 16-ти октомври била изведена разијата во којашто биле запленети десетици килограми хероин, пари и рачно оружје. Групата осомничени била активна во Франција, Швајцарија и Германија,. Полицијата нагласи дека не сакала да овозможи границите да им послужат како заштита на криминалците.
Истрагата инаку е започната уште во 2010 година од пограничните служби на трите земји, а потоа е организирана специјална единица од француски, германски и швајцарски полицајци во соработка со Еуропол и Еуроџаст, агенцијата на европската полиција и правосудство, коишто вршеле истраги цели две години.
Осомничените на возраст меѓу 25 и 35 години, главно се албански и државјани на Косово којшто дрогата ја довезувале од Балканот, соопшти француската полиција/крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
За една ноќ приведени тројца возачи поради возење во алкохолизирана состојба

Тројца возачи биле приведени за една ноќ поради возење во алкохолизирана состојба, соопшти МВР.
Во Кичево, на улица Борис Кидрич, полицијата запрела „бмв“ управувано од 26-годишен жител на село Зајас, кој имал 2,08 промили алкохол во крвта.
Неколку часа подоцна, во Куманово, полициски службеници го задржале 34-годишен возач на „смарт“ со 3,43 промили.
Во Битола пак, на улица Македонска фаланга, бил приведен 41-годишен жител на Средно Егри со 1,68 промили, откако бил запрен во „мерцедес“ со битолски регистарски таблиички.
„По целосно документирање на случаите, против тројцата возачи ќе бидат поднесени соодветни пријави по член 297-а од Кривичниот законик – безобѕирно управување со моторно возило“, соопшти Министерството за внатрешни работи.
Црна хроника
На „Ќафасан“ приведено лице со мерка за издржување затворска казна

На граничниот премин „Ќафасан“ на македонско-албанската граница при обид за излез од државата, полицијата привела лице за кое имало изречена мерка за апсење од Основниот суд во Гостивар поради сторени кривични дела против безбедноста на луѓето и имотот во сообраќајот, соопшти денеска СВР Охрид.
Според информацијата, вчера во 14 часот на граничниот премин „Ќафасан“, на македонско-албанската граница, при обид за излез од земјата, лишен од слобода е З.Б.(62) од Гостивар.
– По извршени контроли, полициските службеници констатирале дека тој евидира со активна мерка „апси“ и дека има активна наредба од Основниот суд во Гостивар поради сторени кривични дела „тешки дела против безбедноста на луѓето и имотот во сообраќајот“ по член 300 и „безобѕирно управување со моторно возило“, по член 297 од Кривичниот законик, изјави портпаролот Стефан Димоски.
Лицето, додаде, е спроведено во казнено поправната установа „Затвор Гостивар“.
Црна хроника
Кавадарчани приведени за непочитување наредби од полицајци на фудбалски натпревар

Кавадарчани биле приведени за непочитување наредби од полицајци на фудбалски натпревар, соопштија денеска од Секторот за внатрешни работи – Велес.
-Вчерa во 18.10 часот и во 18.15 часот, на Градскиот стадион во Кавадарци, полициски службеници од СВР – Велес ги привеле И.П.(34) и Д.И.(28), двајцата од Кавадарци, затоа што за време на одигрување на фудбалски натпревар помеѓу екипите на ГФК Тиквеш од Кавадарци и ФК Вардар од Скопје, не ги почитувале наредбите дадени од полициски службеници, се наведува во соопштението.
По документирање на настанот, како што велат од СВР Велес, против нив ќе бидат поднесени соодветни пријави.