Црна хроника
Убиствата кај Смилковско езеро биле со цел да предизвикаат страв кај граѓаните

Обвинетите за петкратното убиство кај Смилковското езеро, според обвинението имале цел да предизвикаат несигурност кај населението и да ја нарушат безбедноста во земјава со предизвикување на страв кај граѓаните.
Убиствата биле извршени на езерото кое било под концесија на обвинетиот Фејзи Азири кој се товари за помагање.
„Обвинителството како мотив ја гледа огорченоста на обвинетиот зошто излетници престојуваат на неговиот приватен имот. Му сметале рибарите кои доаѓале на езерото“, вели адвокатот на обвинетите, Насер Рауфи, кој во среда го добил обвинението.
Тој смета дека обвинителството нема докази за делото за кое ги товари обвинетите, немало ниту биолошки траги, ниту, ДНК, ниту е најдено оружјето, единство имало снимени разговори меѓу обвинетите.
Како што ни изјави Рауфи, очевидци на убиството немало освен некои сведоци кои слушнале пукање.
На 12 април кај Смилковското езеро свирепо беа убиени четири млади момчиња и еден повозрасен маж.
Алил Демири, Африм Исмаиловиќ и неговиот брат Агим, се товарат дека се директни извршители на петкратното убиство, а Фејзи Азири и Рами Сејди се осомничени за помагање.
Тројца од осомничените се во притвор, додека Африм Исмаиловиќ и Алил Демири, се во бегство, а полицијата се сомнева дека избегале на Косово. Во истрагата беше испрашан и заштитен сведок, чиј иднетитет не смее да се открие. Претходниот заштитен сведок во истрагата за случајот „Монструм“, Хаки Хазири, побара да му го одземат статусот на сведок и сега е обвинет за помагање во тероризам. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Граната од Втората светска војна пронајдена во Бардовци

Вчера околу 13 часот во СВР Скопје е пријавено дека при вршење на градежни работи во с.Бардовци, скопско, била пронајдена стара експлозивна направа.
Полициски службеници од СВР Скопје излегле на местото, а била известена и Дирекцијата за заштита и спасување и било констатирано дека станува збор за граната која најверојатно потекнува од Втората светска војна.
Гранатата ќе биде безбедно подигната од страна на Дирекцијата за заштита и спасување.
Црна хроника
Тешка сообраќајна несреќа кај Блаце, едно лице загина

Едно лице загина во сообраќајна несреќа што се случила вчера на патот од село Горњане кон село Блаце.
Според информациите од МВР, вчера во 17.30 часот во СВР Скопје е пријавено дека на локалниот пат од с.Горњане кон с.Блаце, скопско, товарно возило „мерцедес“ со тетовски регистарски ознаки, управувано од Б.Ш.(46) од с.Желино, тетовско, излетало надвор од коловозот.
Од здобиените повреди на местото на настанот починал Б.Ш., а лекар од Итна медицинска помош констатирал смрт. Извршен бил увид од увидна екипа од СВР Скопје и јавен обвинител, по чија наредба телото на починатиот било дадено на обдукција.
Црна хроника
Предизвикале пожар на градската депонија: уапсени две лица во Демир Хисар

Вчера во 13.30 часот полициски службеници од ОВР Демир Хисар ги лишиле од слобода С.Ф.(28) и А.С.(48), двајцата од Прилеп.
Тие се сомничат за сторено кривично дело „предизвикување општа опасност” по член 288 од Кривичниот законик.
Имено осомничени се дека предизвикале пожар на градската депонија во Демир Хисар, а при преглед кај нив се пронајдени предмети со кои го предизвикале пожарот.
Според полицијата, по документирање на настанот, против нив ќе следува соодветна пријава.