Црна хроника
Манекенка претепана до смрт во Нови Сад

Манекенката Владислава Червенка била претепана до смрт во Нови Сад, а нејзиното тело синоќа било пронајдено во населбата Лиман, јавуваат локалните медиуми.
Полицијата во Нови Сад трага по дваесет и петгодишниот Дарјан М. за кого постојат сомнежи дека го сторил злосторството.
„Во стан на Фрушка улица во Нови Сад, полицијата го пронајде безживотното тело на 25-годишната В.Ќ. на телото биле видливи бројни повреди, а доказите од лице место укажуваат дека убиството се случило во текот на попладнето“ изјави за Танјуг, истражниот судија на Вишиот суд во Нови Сад Мирослав Алимпиќ, нагласувајќи дека трагаат по сторителот.
Жртвата била една од познатите фото-модели која своевремено работела и за бројни модни агенции.
Телото на девојката бил најдено во станот каде што живеела. Точната причина за смртта ќе биде утврдена во Заводот за судска медицина, каде телото е пренесено на обдукција./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Крадци го разбиле катанецот и украле сандаци со пчели и мед во Штип

Вчера во СВР Штип, Г.Г. (47) пријавил дека во периодот од 12 до 16 август, со употреба на сила, бил отстранет катанец од метална врата на ограден простор под магистралниот пат Штип-Радовиш.
Според пријавата, одземени се сандаци од пчелни семејства, мед и други предмети.
Се преземаат мерки за расчистување на случајот.
Црна хроника
Бабата алармира: мајка физички го малтретирала тримесечното бебе во Струмица

Вчера во СВР Струмица, 40-годишна жена пријавила дека нејзиното тримесечно внуче било физички малтретирано од мајка му, сопруга на нејзиниот син.
Се преземаат мерки за расчистување на случајот, велат од МВР.
Топ
Две лица тешко повредени во групна тепачка во Скопје, полицијата апсеше од тинејџери до 50-годишни

Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56 години.
По пријава во Полициската станица Бит Пазар, биле приведени С.Д. (50), С.С. (56), А.А. (19), С.Џ. (18), Џ.Р. (21), А.Д. (25), С.Д. (18) и Д.Д. (31), сите од Скопје.
Во тепачката биле користени разни тврди и остри предмети, а со тешки телесни повреди се здобиле С.Д. (33) и А.Д. (27). Уште неколку лица се здобиле со полесни повреди.
Според МВР, се преземаат мерки за расчистување на случајот.