Црна хроника
Гo симнал албанското знаме во Тетово и расекол полицаец
Засега непознато лице во саботата при обид да биде легитимиран од двајца полицајци на едниот му нанел незначителна повреда со нож, а подоцна било констатирано дека е симнато албанското знаме од домот на културата во Тетово.
Во саботата рано утрината околу 05,00 часот, во Тетово на улицата „Маршал Тито“, додека двајца полициски службеници го обезбедувале Домот на културата, забележале непознато лице како излегува од Домот кое на дадена наредба да застане истото се дало во бегство, а при обид да го приведат, непознатиот со нож му нанело расекотина на прст на еден од полицајците, по што се дал во бегство.
По ова, од страна на полициските службеници било констатирано дека е симнато албанското знаме кое било поставено во предниот дел на Домот на културата.
Тетовската полиција соопшти дека презема мерки за откривање на сторителот и целосно расчистување на случајот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.