Црна хроника
Уапсено лицето што ја гаѓаше со јајца колоната на премиерот Груевски во Тирана
Албанските медиуми јавија дека полицијата го уапсила во саботата лицето кое фрлило јајца врз автомобилот на македонскиот премиер Никола Груевски во петокот попладне во албанската престолнина Тирана
Станува збор за Таулан Цапа кој изјавил дека тоа го направил поради, како што рекол негирање на правата на Албанците во Македонија. Дел на медиумите во Тирана наведуваат дека Цапа е дебарчанец, односно дека потекнува од Македонија.
Во петокот првично беше јавено дека неколку радикални лица фрлиле со јајце и пластично шише по колоната во која во петок низ улиците на Тирана се движеше автомобилот на премиерот Никола Груевски, кој се наоѓа во официјална посета на Албанија.
Според медиумите, најверојатно станува збор за припадници на црвено-црната Алијанса, кои неодамна правеа провокации на македонското малцинство во Албанија.
Медиумите во Тирана денеска, исто така, јавија и за неколку инциденти кои се случиле во петокот попладне ни ноќта во албанскиот главен град за време и по посетата на премиерот на Македонија, Никола Груевски на Албанија .
Новинската агенција Balkanweb, потврди дека на централниот плоштад во Тирана биле запалени македонски знамиња од засега, како што се вели во информација, неидентификувани лица.
Знамињата на Република Македонија во Тирана беа поставени во чест на посетата на македонскиот премие, кој престојуваше во Албанија на покана на албанскиот премиер Сали Бериша.
Во саботата македонското министерство за надворешни работи упати остар протест до албанските колеги, поради инцидентите за време на посетата на премиерот Груевски на Тирана, особено за палењето на државните знамиња на Република Македонија и побара остра осуда на овие инциденти, а воедно во министерството беше повикан на разговор албанскиот амбасадор во Скопје./крај/мф/сн/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија, извести МВР.
„При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација“, соопшти МВР.
Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци, се додава во соопштението на МВР.
Црна хроника
Кривични против поранешен градоначалник на скопска општина и директорка на детска градинка
Одделот за криминалистичка полиција преземаше предистражни дејствија и во координација со СВР Скопје – Единица за економски и компјутерски криминал до ОЈО Скопје поднесе кривична пријава против М.Р., директорка на детска градинка во скопска општина и против поранешен градоначалник на една скопска општина за кривично дело „злоупотреба на службената положба и овластувањата“ од чл.353 од КЗ.
„Имено, првопријавената М. Р., како директор на детска градинка на 12.05.2021, по објавен оглас за јавна набавка на стоки – електрична опрема за детска градинка – две машини за перење на алишта, со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ, кои средства требало да бидат обезбедени од сопствената сметка на договорниот орган, како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка, со кое склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари, кој исто така не го испочитувал рокот за достава и набавените машини и наместо за 15 дена ги доставил со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа“, извести МВР.
„Второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари, и истите на 29.11.2021 ги префрлил на сметката на градинката, кои парични средства од страна на првопријаваната М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката, на кој начин првопријаваната и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка, на кој начин му овозможиле на правното лице од Скопје да се стекне со противправна имотна корист во износ од 1.807.676,00 денари“, соопшти МВР.
Црна хроника
Во Сопиште пронајден скопјанец пријавен дека се оддалечил од здравствена установа во Карпош
Вчера во 17.05 часот во СВР Скопје било пријавено дека на подрачјето на село Сопиште, полициски службеници од Полициската станица Кисела Вода го пронашле 38-годишниот Ј.Т. од Скопје, извести МВР.
Лицето на 30.04.2024 било пријавено дека се оддалечило од здравствена установа на подрачјето на Карпош, додаваат од МВР.