Црна хроника
Ја силувал, откако не си ги пресекол вените
Жителка на Свети Николе го пријави својот сограѓанин дека ја силувал, откако претходно и’ се заканил дека ќе си го одземе животот со пресекување на вените.
Настанот се случил во саботата, пред 6 часот наутро, кога 31-годишната жена, според исказот даден во полицијата, излегла од дома да оди на работа, при што 41-годишниот жител на Свети Николе, во дворот од нејзината семејна куќа од задгрб со едната рака и’ ја затворил устата а под вратот и’ ставил нож
Потоа, пријавениот и’ наредил да се качи во автомобилот „сеат кордоба“, возило на локалната такси компанија во која тој работел како такси возач.
Откако жената влегла во автомобилот, се упатиле кон Куманово, а откако пријавениот го запрел возилото кај општинската зграда во селото Пезово, двајцата излегле од возилото и мажот повторно го извадил ножот и се заканил дека ќе си го одземе животот, обидувајќи се да си ги пресече вените.
Откако се откажал од намерата, ја турнал жената на задните седишта од автомобилот и ја присилил на сексуален однос. Околу 10 часот со возилото ја вратил во СветиНиколе, а подоцна тој е приведен во полициската станица, каде што во разговорот признал дека имал сексуален однос со жената, но дека тоа се случило со нејзина согласност. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Работник од Дебар загина по несреќа на градилиште, починал на пат кон болница
Работник од Дебар го загуби животот по несреќа на градилиште што се случила вчера претпладне.
Како што било пријавено во ОВР Дебар околу 11:35 часот од Итната медицинска помош, 40-годишниот С.К. од Дебар починал на пат кон болницата во градот. Според информациите, околу 11:15 часот тој паднал од зграда во изградба на улицата „Братство единство“ во Дебар, каде што бил ангажиран на работа.
По несреќата, повредениот бил пренесуван кон болницата, но им подлегнал на повредите за време на транспортот.
На местото на настанот излегле трудов инспектор и јавен обвинител, а по нивна наредба телото на починатиот е предадено на обдукција. Увид на локацијата извршила екипа од ОВР Дебар.
Црна хроника
Две жени тешко повредени додека се движеле пеш во одделни сообраќајни несреќи во Скопје
Во два одделни сообраќајни инциденти што се случиле вчера во Скопје и околината, две жени пешаци се здобиле со тешки телесни повреди, по што биле пренесени на лекување.
Првата несреќа била пријавена во раните утрински часови. Околу 06:50 часот, во селото Петровец, во општина Петровец, патничко возило „шкода“ со скопски регистарски ознаки, управувано од 46-годишниот Д.К. од Петровец, удрило во 61-годишната Ј.Ц. од Скопје. Жената се здобила со тешки телесни повреди, кои биле констатирани во Градска општа болница „Св. Наум Охридски“. На местото на настанот бил извршен увид од увидна екипа на СВР Скопје.
Неколку часа подоцна, околу 12:00 часот, уште една жена била тешко повредена во сообраќајна несреќа во Скопје. На крстосницата меѓу улиците „Московска“ и „Женевска“, патничко возило „цитроен“ со скопски регистарски ознаки, управувано од 54-годишниот В.Т. од Скопје, удрило во 74-годишната Љ.В., исто така од Скопје. И во овој случај, повредите биле оценети како тешки и биле констатирани во Градската општа болница „Св. Наум Охридски“. Увид на местото извршила увидна екипа од СВР Скопје.
Се преземаат мерки за целосно расчистување на двата случаи.
Црна хроника
Уапсени крадци од Куманово и кумановско, следуваат соодветни пријави
Ноќеска во 01:45 часот, полициски службеници од СВР Куманово го лишија од слобода 30-годишниот А.С. од село Романовце, кумановско. Тој е затекнат во куќа во село Романовце, сопственост на Х.Ш., при обид да одземе предмети.
Вчера во 16:40 часот, полициски службеници од СВР Куманово го лишија од слобода 32-годишниот У.З. од Куманово. Тој се сомничи дека на 01.01.2026 со употреба на сила влегол во деловен простор на плоштад „Нова Југославија“ во Куманово и одзел предмети.
Тие се приведени во полициска станица и по целосно документирање на случаите против нив ќе следуваат соодветни пријави.

