Црна хроника
Брачен пар нападнале полицајци при сообраќајна контрола во Штип
Брачен пар од Радовиш нападнале двајца полицајци при сообраќајна контрола во Штип, информираат од полицијата.
Инцидентот се случил во саботата околу 20:00 часот, на улицата „Гоце Делчев“ кај местото викано „Рибник“.
Откако по извршената контрола на возилото „Шкода Јети“ полицајците почнале да изготвуваат записник, 57-годишниот Ѓ.П. од Радовиш, кој управувал со возилото, почнал да ги навредува, а неговата сопруга Ј.П. (55) со раце почнала да удира по полициското возило. Потоа со рака ја удрила отворената врата и повредила еден од полицајците во левата потколеница.
Откако пристигнала групата за интервенција, при обид Ѓ.П. да биде приведен и сместен во полициското возило, неговата сопруга Ј.П. го нападнала другото униформирано лице, удирајќи го со ташна во пределот на главата, нанесувајќи му телесна повреда во пределот на вратот.
По целосно документирање на случајот, против брачниот пар ќе биде поднесена соодветна пријава. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.