Поранешниот министер за внатрешни работи и лидер на Обединети за Македонија, Љубе Бошкоски повторно ќе седне на обвинителна клупа за помагање во убиството на Марјан Тушевски и Киро Јанев, што се случи во 2001 година.

За убиството и за помагање при убиството на Тушевски и Јанев се товарат вкупно 15 лица, додека Бошкоски е седмообвинет.

Според обвинението, тројца српски државјани кои се во бегство ги убиле Јанев и Тушевски по нарачка, а Бошковски се товари дека како министер за внатрешни работи во тоа време му дозволил на сега веќе починатиот Орце Коруновски да го убие Тушевски.

Бошкоски, како што пишува во обвинението бил во добри односи со Коруновски, а тој пак имал недоразбирања со Тушевски во врска со стриптиз барови и дискотеки.

Поранешниот министер за внатрешни работи се товари дека заедно со свои блиски луѓе, меѓу кои и шефот на обезбедувањето Зоран Трајковски, помогнале да не се откријат сторителите на двојното убиство.

Марјан Тушевски и Кире Јанев беа убиени на 10-ти јули 2001 година. кога излегувале од кафулето „ЗУ“ во скопската населба Капиштец. Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега./крај/фф