Црна хроника
Расветлено разбојништво во обид во Скопје
СВР-Скопје, со кривична пријава го предаде Д.Н. (26) од Битола поради основано сомнение дека со намера противправно да присвои туѓ подвижен предмет и за себе да прибави противправна имотна корист на 19.08. годинава извршил кривично дело.
Како што соопшти полицијата Д.Н. летово, околу 22.15 часот, на ул, „Васил Ѓоргов“ во Скопје, влегол во станот на Д.Д. (46), а кога бил фатен на дело од газдата му се заканил со сигнален пиштол и нож,.
Разбојништвото во обид Д.Н. го извршил на тој начин што откако влегол во претсобјето на станот на оштетениот преку незаклучената врата, кога бил затекнат од сопственикот, извадил сигнален пиштол марка “Екол специјал 99“ кал. 9мм, и со закана по животот му наредил да клекне за да може да го заврзе со пластична стега која што ја донел со себе.
Откако Д.Д. не ја послушал наредбата, пријавениот со пиштолот испукал два пати, по што оштетениот откако ја сфатил сериозната намера на Д.Н. пружил отпор, му го отфрлил сигналниот пиштол, но Д.Н. извадил нож и му задал четири убодни рани во телото и без да земе нешто го напуштил станот и зградата оддалечувајќи се во непознат правец.
Од здобиените повреди оштетениот паднал во претсобјето и барал помош, по што станарите од зградата му помогнале, повикале Итна помош и истиот бил пренесен во Ургентен центар Скопје, каде што по оперативната санација на здобиените убодни рани, истиот бил задржан на интензивно лекување и опсервација во КАРИЛ, а оттаму бил пренесен на ЈЗУ Универзитетска Клиника за дигестивна хирургија.
Со наредба Основен Суд Скопје 1 од одговорното лице на куќен совет во зградата на ул.„Васил Ѓоргов“ бр.30 подигнато е едно ЦД од снимен видеозапис од 19.08.2012 година во времето од 22 до 22.30 часот од влезот на зградата, каде јасно се гледа Д.Н. како влегува во зградата во критичното време и како трчајќи излегува.
Од извршените проверки утврдено е дека пријавениот сигналниот пиштол го купил на 13.08.
За извршеното разбојништво во обид од страна на единица за истрага на местото на настанот и вештачење бил извршен увид и се подигнати две испукани чаури, една пластична стега и други траги кои се предадени за вештачење.
Со оштетениот е направено непосредно класично препознавање на лица во Полициската станица Кисела Вода, при што истиот со сигурност го препознал Д.Н. како лицето кое е сторител на наведеното кривично дело./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Струмичани украле 160 вреќи компир од камион
Полицијата сомничи четири лица од Струмица дека ноќта меѓу 28 и 29 ноември од паркиран камион „мерцедес“ со тетовски регистарски ознаки, сопственост на К.С. од село Горна Речица, украле 160 вреќи со компир, соопштија попладнево од СВР Струмица.
Во сопштението се наведува дека полициски службеници од СВР Струмица ги лишиле од слобода Ј.А.(40), М.А.(34) и Р.Д.(31), сите од Струмица.
– Во просториите на СВР Струмица бил повикан и И.А.(38) од Струмица, кој исто така се сомничи дека заедно со Ј.А., М.А. и Р.Д. го сториле делото. Со сите лица се извршени службени разговори, истите го признале делото, по што од Ј.А. и М.А. биле одземени 160 вреќи со компир, кој ги одзеле при вршење на кражбата и истите се вратени на сопственикот,стои во полициското соопштение.
Се додава дека за настанот е запознаен јавен обвинител од ОЈО Струмица, а по документирање на случајот против лицата ќе биде поднесена соодветна пријава.
Црна хроника
Маж од Јегуновце извршил насилство врз деца за време на час
Шеесет и петгодишен маж од општина Јегуновце се сомничи дека извршил насилство врз две деца за време на училишен час.
Инцидентот, според полицијата, се случил во образовна установа во село во општина Камењане.
СВР Тетово поднесе кривична пријава против Ќ.А. (65) поради постоење основи на сомнение за сторено кривично дело „насилство“ врз деца.
„На 19.09.2025 година во образовна установа во село во општина Камењане, за време на одржување на час, пријавениот во неколку наврати насилно се однесувал кон двајца малолетници“, информираат од полицијата.
Црна хроника
Трае увидот на полицијата по сообраќајката на патот Куманово – Крива Паланка
Полицијата сè уште врши увид во сообраќајната несреќа што се случи, утрово на магистралниот пат Куманово – Крива Паланка кај село Ругинце. Во сообраќајната несреќа која се случила околу 8:15 часот учествувале камион и автомобил.
– Денеска околу 8:15 часот во СВР Куманово било пријавено дека на магистралниот пат Куманово – Крива Паланка, кај село Ругинце се случила сообраќајна несреќа помеѓу товарно моторно возило со бугарски национални ознаки и патничко моторно возило со кривопаланечки регистарски ознаки. Увидот е во тек, соопшти полицијата.
Утрово од 8.30 часот магистралниот пат Куманово-Крива Паланка, поради случена сообраќајна несреќа сообраќајот беше во во целосен прекин, а од 09.15 часот се одвива со наизменично пропуштање на возилата, информира АМСМ.

