Полицијата на Лас Вегас пронашла во хотелска соба во еден од најстарите хотели во градот „Excalibur“, тело на две лица, пренесува Associated Press повикувајќи се на локалната полиција.

Според началникот на полицијата на Лас Вегас, Реј Стејбер, станува збор за телата на жена којашто ја застрелал маж, а кој потоа се самоубил нота кон саботата.

Мажот загинал на самото место од очигледни повреди што си ги нанел со огнено оружје откако претходно ја застрелал жената која работела на шалтерот за информации во хотелот, а починала подоцна во болница.

Началникот Стејбер додал дека жртвите не се идентификувани, како и дека не е јасно во какви односи биле. Во собата од хотелот имало многу патрони од куршуми, но немало други повредени.

Очевидци изјавиле дека откако се слушнале истрелите, играчите на покер во паника ги напуштиле масите и излегле пред хотелот.

Портпаролот на компанијата „MGM Resorts International“ којашто е сопственик на хотелот „ Excalibur“, како и на неколку други хотели-казина во Лас Вегас, Гордон Абшер изјавил дека хотелот и казината останале отворени за гостите цело време, а пристапот бил забранет само на местото на инцидентот додека траел увидот.

Хотелот инаку има 4.000 соби и е именуван по митскиот меч на британскиот крал Артур./крај/мф/сн