Црна хроника
Идентификувана убиената девојка од Кисела Вода

Полицијата го утврди идентитетот на втората убиена девојка од пред два дена во скопската населба Кисела Вода, а се работи за 27-годишната Марта П.
По превземените оперативни мерки СВР Скопје го утврди идентитетот на лицето кое што завчеравечер беше пронајдено со прострелна рана во главата во автомобил “Опел астра“ паркирана на улицата “Ѓорѓи Димитров“ во скопската населба Кисела Вода, а се работи за Марта П (27) од Скопје, соопшти МВР.
Како што претходно информиравме, во неделата вечер, во 19 часот во стан на посочената улица беше пронајдено телото на Виолета Т. (27) со прострелна рана во пределот на главата.
Триесет минути подоцна на истата улица во паркирано возило беше пронајдено и телото на Марта П. Која во тој момент не беше идентификувана.
Во непосредна близина на овие локации, односно во дворот на ОУ „Круме Кепески“ три часа подоцна беше пронајдено и телото на Кирил Р. (34) исто така со прострелна рана во пределот на главата а покрај телото и пиштол марка “Валтер“, што Кирил Р. го поседувал со дозвола).
СВР Скопје работи на целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец со автомобил удрил во бетонски ѕид и билборд, тешко повреден малолетник

Вчера околу 16.30 часот во СВР Скопје било пријавено дека на бул.„Македонско – косовска бригада“ во Скопје, патничко возило „бмв“ со скопски регистарски ознаки, управувано од А.К.(32) од Скопје, удрило во рекламно пано и бетонски ѕид.
Во несреќата со тешки телесни повреди се здобил малолетен сопатник во возилото, додека со телесни повреди се здобиле возачот, уште еден малолетен сопатник и сопатникот С.С.(25), сите од Скопје, констатирани во Комплекс клиники „Мајка Тереза“ во Скопје.
Извршен бил увид од увидна екипа од СВР Скопје, а по наредба на јавен обвинител возачот А.К. бил лишен од слобода и против него ќе биде поднесена пријава.
Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.