Црна хроника
Пакистанец натепан во кумановско
Кумановската полиција поднесе кривична пријава против тројца малолетници од градот, осомничени за разбојништво.
Осомничените во четвртокот околу 16:00 часот на локалниот пат Куманово – село Речица, во близина на спортскиот аеродром „Аџитепе“ го пресретнале 20-годишниот Пакистанец Х.А., кој имал намера да посети пријател во Лојане, физички го нападнале, удирајќи го со клоци и тупаници по главата и телото и му побарале пари и мобилен телефон.
Во тој момент наишле полициски службеници, при што напаѓачите се дале во бегство, но еден од нив веднаш е фатен и приведен во СВР Куманово. Набрзо и останатите двајца сторители се пронајдени и приведени, додека Х.А е сместен во Прифатниот центар во Скопје. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пронајдена скопјанката која беше пријавена за исчезната
Вчера во 20.00 часот во СВР Скопје било пријавено дека на подрачјето на Чаир била пронајдена 26-годишната И.Е. од Скопје, извести МВР.
На 26.08.2024 нејзиниот татко В.Е.(69) пријави дека се оддалечила од својот дом на подрачјето на Гази Баба, додаваат од МВР.
Црна хроника
Штипјанец пријавил во полиција дека неговата малолетна ќерка се оддалечила од домот
Денеска во 01.30 часот во СВР Штип, 37-годишниот Е.М. од Штип пријавил дека од домот се оддалечила неговата малолетна ќерка, 17-годишната Ј.М., извести МВР.
Според пријавеното, најверојатно таа се наоѓа во Велес кај лицето Р.В.. Се преземаат мерки за пронаоѓање на лицето.
Црна хроника
Млад скопјанец нападнат со нож пред станот во Аеродром, едниот од напаѓачите му се заканил со оружје
Дваесет и петгодишен скопјанец синоќа бил нападнат пред станот во којшто живее на подрачјето на општина Аеродром.
Според пријавеното, момчето било нападнато со остар предмет од Н.С. и уште две лица, а едниот му се заканувал со пиштол.
Пренесен е во приватна болница за укажување помош.
Се преземаат мерки за расчистување на случајот.