Црна хроника
Во грабнување во Колорадо убиени четири лица

Четири лица се убиени, меѓу кои е и напаѓачот, во грабеж во саботата во Аурора во американската држава Колорадо, во истиот град во кој минатиот јули вооружен напаѓач уби 12 а рани 58 лица, пренесува Reuters повикувајќи се на локалната телевизија KUSA.
По неколку часа безуспешни преговори со киднаперот, припадниците на специјалните единици на полицијата влегле во куќата во која се забарикадирал, јавила телевизијата. Во куќата биле пронајдени телата на три застрелани лица.
Како што пишува Daily News, се претпоставува дека станува збор за заложници, бидејќи по повикот на полицијата не излегле доброволно од куќата. Полицијата дошла на местото на настанот откако соседите пријавиле дека од една од куќите се слушаат истрели.
Полицијата во Аурора сѐ уште не даде подетални информации за инцидентот. Полицијата во саботата попладне го информирала соседството за вонредната ситуацијата и евакуирала неколку лица, изјавила за локалната телевизија портпаролката на полицијата Кесиди Карлсон. Додала дека едно лице успеало да избега од куќата која била опсадена од 40 специјалци./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тепачка во болницата „8 Септември“: двајца скопјани ги нападнале вработените

Вчера во 14.10 часот, полициски службеници од СВР Скопје ги лишиле од слобода У.П.(44) и А.Б.(50), двајцата од Скопје.
Полицијата постапила по претходна пријава дека во Градската општа болница „8 Септември“ – Скопје го нарушиле јавниот ред и мир со агресивно однесување кон вработените, при што А.Б. физички го нападнал И.И.(33) од с.Грчец, скопско, вработен како обезбедување во установата.
По целосно документирање на случајот ќе следуваат соодветни поднесоци, соопшти полицијата.
Топ
Автомобил удри во велосипедисти од Исланд, учесници на Младинските европски олимписки игри, пренесени се во болница

Вчера попладне во СВР Куманово било пријавено дека на регионалниот пат Куманово-Свети Николе, атар на село Зубовце, кумановско, патничко возило „фолксваген пасат“ со кумановски регистарски ознаки, управувано од Н.Б.(42) од Куманово, удрило во двајца малолетни велосипедисти од Исланд.
Според информациите на МВР тие се учесници на младинските европски олимписки игри, што се одржуваат во нашата земја и кои се подготвувале за денешната велосипедска трка.
Во незгодата со телесни повреди се здобиле двајцата велосипедисти, констатирани во Општа болница Куманово. Извршен е увид од увидна екипа на СВР Куманово.
Црна хроника
Пијан возач удрил во бетонски столб во Струшко

Доцна синоќа во 02.20 часот, во полиција е пријавено дека, на локален пат во струшкото село Октиси, патничко возило „рено“ со струшки регистарски ознаки, управувано од М.Ш., удрило во бетонски столб.
Возачот бил пренесен во Општата болница во Струга. По извршено алкотестирање, утврдено е дека тој возилото го управувал со 1,93 промили алкохол во крвта, по што против него ќе биде поднесена кривична пријава по член 297 од Кривичниот законик „безобѕирно управување моторно возило“.