Црна хроника
Продолжение на „Диригент“, апсења низ цела Македонија

Во полициска акција, што всушност е продолжение на акцијата под кодно име „Диригент“, во вторник уапсени се десет лица за трговија со дрога, потврдуваат од МВР.
Оттаму велат дека не можат да соопштат детали за акцијата, бидејќи сé уште е во тек, а освен скопското село Арачиново и скопската населба Сингелиќ, акцијата се спроведува и во други градови низ Македонија.
Акцијата е на меѓународно ниво, па во среда се очекува македонското МВР да одржи заеднича прес конференција со директорот на австриската полиција.
„Можам да ви потврдам дека МВР спроведе голема полициска акција за лишување од слобода на лица инволвирани во кривични дела поврзани со недозвоелна трговија со дрога. Досега се обезбедени околу десет лица меѓутоа полициската акција се уште трае“ изјави министерката за внатрешни работи, Гордана Јанкулоска.
Водачите на франкфуртската мафија, уапсени во полициската акција „Диригент“ добија по 13 години затвор за продажба на хероин во Виена и Франкфурт. Групата беше разбиена кон крајот 2010 година, во соработка меѓу македонската и австриската полиција.
Полицијата инаку запленила вкупно 350 килограми марихуана на граничниот премин „Меџитлија“, за што се очекува да одржи прес-конференција./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Влегол на Онкологија и крадел од пациентите – притвор за 60-годишник

Скопското Обвинителство поведе постапка против 60-годишник осомничен за тешка кражба.
Кражбата ја извршил на Клиниката за радиотерапија и онкологија, каде искористил невнимание на еден пациент од велешко, ја протнал раката во неговиот џеб и одзел 300 евра и 28.000 денари.
Пациентот малку подоцна забележал дека му се украдени парите и пријавил во полиција, а сторителот бил идентификуван од снимките на видео камерите во болницата, соопшти Обвинителството.
Имајќи предвид дека сторителот бил и претходно осудуван, како и дрскоста со која делото сега го извршил во медицинска установа во која во исто време поголем број пациенти во тешка состојба, меѓу кои и оштетениот, чекале да примат терапија од која им зависи животот, јавниот обвинител на судијата на претходна постапка му предложи да определи мерка притвор за осомничениот. Притворот е прифатен.
Црна хроника
Десетгодишно дете тешко повредено, паднало од електричен тротинет во Гостивар

Вчера во 19.54 часот во ОВР Гостивар е пријавено дека на ул.„ЈНА“ во Гостивар, 10-годишник од Гостивар, управувајќи електричен тротинет, изгубил контрола и паднал.
Во несреќата малолетникот се здобил со тешки телесни повреди, констатирани во болницата во Гостивар.
Извршен бил увид од увидна екипа на ОВР Гостивар.
Црна хроника
Две и полгодишно дете тешко повредено во сообраќајна несреќа помеѓу автомобил и четирицикл

Две ипол годишно дете кое се превезувало на четирицикл е тешко повредено во сообраќајна несреќа што се случила вчера на локалниот пат с.Зелениково-с.Страхојадица.
Во несреќата учествувале патничко возило „сеат“ со скопски регистарски ознаки, управувано од М.Т.(56) од с.Дејковец, скопско и четирицикл управуван од С.М.(28) од с.Стахојадица, општина Зелениково.
Во несреќата со тешки телесни повреди се здобил возачот на четирициклот и две ипол годишно дете, сопатник на четирициклот, констатирани во Комплекс клиники „Мајка Тереза“- Скопје.
Извршен бил увид од увидна екипа на СВР Скопје.