Црна хроника
Двајца од Министерство за транспорт загинаа кај село Колари
Две лица загинаа, а една жена е тешко повредена во сообраќајна незгода што се случила во вторник наутро кај кичевското село Колари.
Во сообраќајката која се случила во 9.50 часот во близина на мостот на магистралниот пат А2 Кичево – Гостивар-Скопје, учествувале две возила, автомобил „форд фиеста“ во сопственост на Министерството за транспорт и врски и комбе марка „фолксваген“, најверојатно такси.
Во службеното возило на Министерството за транспорт и врски имало две лица, маж и жена, кои починале на лице место, а полицијата работи на утврдување на нивниот идентитет.
Во комбето, повредени се возачот и неговата сопатничка.
Возачот од село Туин е со полесни повреди и е пренесен во болницата во Кичево, а неговата сопатничка, од село Колари, е со потешки повреди и е пренесена во Ургентниот центар во Кичево.
На местото на несреќата се прави увид од истражен судија и јавен обвините, но според портпаролот на охридското СВР, Стефан Деимоски, нема застој во сообраќајот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пронајдена скопјанката која беше пријавена за исчезната
Вчера во 20.00 часот во СВР Скопје било пријавено дека на подрачјето на Чаир била пронајдена 26-годишната И.Е. од Скопје, извести МВР.
На 26.08.2024 нејзиниот татко В.Е.(69) пријави дека се оддалечила од својот дом на подрачјето на Гази Баба, додаваат од МВР.
Црна хроника
Штипјанец пријавил во полиција дека неговата малолетна ќерка се оддалечила од домот
Денеска во 01.30 часот во СВР Штип, 37-годишниот Е.М. од Штип пријавил дека од домот се оддалечила неговата малолетна ќерка, 17-годишната Ј.М., извести МВР.
Според пријавеното, најверојатно таа се наоѓа во Велес кај лицето Р.В.. Се преземаат мерки за пронаоѓање на лицето.
Црна хроника
Млад скопјанец нападнат со нож пред станот во Аеродром, едниот од напаѓачите му се заканил со оружје
Дваесет и петгодишен скопјанец синоќа бил нападнат пред станот во којшто живее на подрачјето на општина Аеродром.
Според пријавеното, момчето било нападнато со остар предмет од Н.С. и уште две лица, а едниот му се заканувал со пиштол.
Пренесен е во приватна болница за укажување помош.
Се преземаат мерки за расчистување на случајот.