Црна хроника
Почна судењето против градоначалникот на Старо Нагоричане

Во Oсновниот суд Куманово во вторник започна судењето на градоначалникот на Старо Нагоричане, Миодраг Јовановиќ, за учество во сообраќајна несреќа во која едно лице загина, јавува Kumanovonews.
Градоначалникот е обвинет дека во април мината година со службеното возило го усмртил Срѓан Лазаревски (31) од селото Орашац, по што побегнал од местото на несреќата, а повредениот по два часа го пронашол случаен минувач.
Јовановиќ пред Судот даде исказ во кој негираше дека учествувал во сообраќајната несреќа. Според неговото тврдење тој критичната ноќ на наведената улица „Драган Стопаревиќ“, поминал порано и не удрил во ништо.
Наредното утро забележал дека задната десна гума му е испуштена, па ја напумпал кај вулканизер и заминал на работа во Општината. Тврдеше дека не видел никакви оштетувања на автомобилот.
Наредното рочиште е закажано за крајот на февруари. /крај/кн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Лишени од слобода 12 лица во Гевгелиско, полицијата најде дрогa

Полициски службеници од СВР Струмица-ОВР Гевгелија синоќа во периодот од 22.00 до 03.00 часот на локален пат од село Миравци кон место викано „Бел Рај“, Гевгелиско ги лишиле од слобода Б.Ј.(25), С.Н., М.К.(31), Н.М.(20), А.И.(24), Ф.П.(22) и Д.Б.(34) сите од Скопје, Г.А.(21) и Т.Ј.(38) и двајцата од Кавадарци, К.П.(21) од Неготино, П.З.(38) од Радовиш и Е.Ј.(22) од Берово.
Како што соопшти МВР, во осум поединечни случаи при преглед на лицата или во возилата во кои се превезувале биле пронајдени марихуана и четири таблети виолетова боја.
За сите настани бил запознаен јавен обвинител од Основното јавно обвинителство Гевгелија, а по документирање на случаите против лицата ќе бидат поднесени соодветни поднесоци.
Црна хроника
Ни трага, ниту глас од исчезнатите мајка и син од Прилеп, полицијата ги бара

Полицијата во Прилеп трага по 36-годишната Л.И. и нејзиниот 17-годишен син, кои исчезнале на 18 јули, а случајот бил пријавен вчера на 25 јули, во 08:20 часот во ОВР Прилеп.
Како што информираше МВР, пријавата ја поднел С.Ќ. (48) од Прилеп, сопруг на исчезнатата жена. Според неговата изјава, Л.И. се оддалечила од семејниот дом заедно со својот син, а имала и здравствени проблеми. Од тогаш, од нив нема никаков контакт.
Полицијата соопшти дека се преземаат мерки за нивно пронаоѓање и расветлување на случајот.
Топ
Влегол на Онкологија и крадел од пациентите – притвор за 60-годишник

Скопското Обвинителство поведе постапка против 60-годишник осомничен за тешка кражба.
Кражбата ја извршил на Клиниката за радиотерапија и онкологија, каде искористил невнимание на еден пациент од велешко, ја протнал раката во неговиот џеб и одзел 300 евра и 28.000 денари.
Пациентот малку подоцна забележал дека му се украдени парите и пријавил во полиција, а сторителот бил идентификуван од снимките на видео камерите во болницата, соопшти Обвинителството.
Имајќи предвид дека сторителот бил и претходно осудуван, како и дрскоста со која делото сега го извршил во медицинска установа во која во исто време поголем број пациенти во тешка состојба, меѓу кои и оштетениот, чекале да примат терапија од која им зависи животот, јавниот обвинител на судијата на претходна постапка му предложи да определи мерка притвор за осомничениот. Притворот е прифатен.