Скопската полиција во саботата соопшти дека привела три лица кои се осомничени како можни сторители на 25 кражби, од кои четири во обид, извршени во скопсите населби Аеродром и Ново Лисиче.

Поради поради основано сомнение дека се можни сторители на кражбите приведен е еден 62-годишне жител на скопското село Смилковци и уште двајца 20-годишници од селото Булачани, исто така, крај Скопје.

Тие се сомничат дека на подрачјето на населбите Аеродром и Ново Лисиче, со употреба на погоден предмет од патнички возила, мопеди и скутери одземале акумулатори, радио-касетофони, алат, зимска опрема, противпожарни апарати, резервни тркала и други предмети.

Од извршениот разговор со приведените, било констатирано дека тројцата со своето возило „југо“доаѓале во вечерните часови во населбите Ново Лисиче и Аеродром и со штрафцигер насилно ги отварале возачките врати од возилата, најчесто од типот „југо“ и „застава 101“. Потоа ја отварале хаубата и од просторот кај моторот ги одземале акумулаторите со демонтирање и со сечење на каблите, а од кабината на возилото ги одземале радио- касетофоните. Од багажникот одземале, алат и ланци за снег, противпожарни апарати и други предмети. Исто така, од повеќе мопеди и скутери одземале акумулатори и други делови.

Исто така, во постапката било извршено и препознавање на украдените предмети од страна на оштетените граѓани, по што против тројцата ќе биде поднесена кривична пријава./крај/мф/сн