Црна хроника
Ја грабнал и ја присилувал да му биде сопруга?

Девојка од струмичкото село Мемешли тврди дека нејзиното поранешно момче од штипското село Шашаварлија ја киднапирал за да му биде сопруга, додека момчето тврди дека таа доброволно се согласила, но подоцна се премислила.
Дваесет и едногодишната девојка во полиција изјавила дека нејзиното момче ја грабнало и се обидело да ја силува присилувајќи да му биде сопруга.
Според нејзината изјава, во четвртокот околу 16 часот додека со нејзиниот мопед се враќала дома од работа, на земјениот пат пред селото Мемешли ја пречекало нејзиното момче со којшто била во љубовна врска пет месеци.
Со уште две други лица, насилно ја внеле во неговиот автомобил „Опел астра“ и откако ги оставил двајцата пријатели ја однел на непозната локација. Во автомобилот ја соблекол и извршил полови дејствија врз неа, но не ја силувал.
Момчето пак во полиција раскажало дека не ја грабнал насилно, туку дека се договориле таа да замине со него и да му биде сопруга, но во меѓувреме се премислила.
Во автомобилот биле најдени мобилниот телефон и облеката на девојката, а гинеколошкиот преглед не констатирал повреди. Полицијата работи на расчистување на случајот./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.