Црна хроника
Група мигранти откриени кај Штип

Група од девет нелегални мигранти се откриени при сообраќајна контрола на патниот правец Штип – Свети Николе, информираат од МВР.
Станува збор за шест сиријски, двајца државјани на Буркина Фасо и еден ирачки државјани.
Според информациите, во неделата околу 02:30 часот при обидот на полициски службеници да биде сопрено возило „Фолксваген шаран“, управувано од 36-годишниот струмичанец Т.Д. возилото продолжило да се движи. Возилото повторно е забележано на оддалеченост од два километри како стои парикирано, а од истото излегувале мигрантите кои се обиделе да побегнат.
Приведени се во штипската полиција. Кај нив немале документи за идентификација. Од извршениот разговор е дознаено дека откако нелегално влегле во Македонија, на м.в. „Гродошорска раскрсница“ кај Струмица биле преземени од Т.Д. кој за надомест од 20 евра од лице требало да ги пренесе до Велес, а потоа да заминат нелегално во Србија.
По документирање на случајот против Т.Д. ќе биде поднесена соодветна пријава, додека странските државјани се предадени во Прифатниот центар за странци во Скопје. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.