Црна хроника
Албанската полиција фати 14 имигранти од арапските земји
Албанската полиција во средата напладне фати 14 имигранти кои нелегално влегле во Албанија, јави дописникот на Макфакс.
Станува збор за имигранти од Сирија, Алжир и Тунис, кои беа фатени во градот Тепелена во јужна Албанија.
Полицијата соопшти дека двајца албански државјани биле водичи на овие имигранти, кои наплатувале по 600 авра за секој имигрант. Имигрантите влегле нелегално од Грција, а крајна цел им била Италија.
Во последните месеци зголемен е бројот на имигранти кои нелегално доаѓаат во Албанија од арапските земји, со цел потоа да заминат во земјите од Европската унија(ЕУ). /крај/мн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.