Полициски службеници од СВР Битола ноќеска го приведоа  Е.Б. од Прилеп, откако го затекнале при извршување кражба на плац сопственост на правно лице во Битола.

Како што соопшти Министерството за внатрешни работи, настанот се случил на 17 мај 2025 година, околу 01:10 часот на улицата Македонски Гемиџии во Битола. Осомничениот бил фатен на лице место, а украдените предмети биле веднаш вратени на сопственикот.

„Лицето е задржано во Полициската станица Битола. По целосно документирање на случајот, ќе биде поднесена соодветна пријава“, информираа од МВР.

Според информациите, станува збор за објект во приватна сопственост, а полицијата го осуетила обидот за кражба навреме, без да има материјална штета.

49-годишен маж од селото Долно Којнаре, Куманово, бил лишен од слобода откако во сообраќајна контрола било утврдено дека управувал возило под силно дејство на алкохол. Како што информираат од Секторот за внатрешни работи Куманово, инцидентот се случил вчера попладне околу 17 часот на улицата Борис Кидрич.

„Полициски службеници го сопреле патничкото возило „Рено“ со кумановски регистарски ознаки, управувано од Н.М. (49), при што бил извршен алкотест. Измерени се дури 3,46 промили алкохол во крвта“, изјавија од СВР Куманово.

Веднаш по утврдувањето на состојбата, возачот бил исклучен од сообраќај и приведен во полициска станица. Од таму најавуваат дека по целосно документирање на случајот, против него ќе биде поднесена кривична пријава за „безобѕирно управување со моторно возило“ по член 297-а од Кривичниот законик.

Од полицијата апелираат до граѓаните да не се впуштаат во сообраќај под дејство на алкохол, бидејќи тоа претставува сериозна опасност и за нив и за останатите учесници во сообраќајот.

Разбојник влегол во магацин во Скопје со намера да изврши кражба. Кога бил начекан од чуварот на градилиштето, разбојникот го претепал и избегал.

Јавен обвинител од Основното јавно обвинителство Скопје донесе наредба за спроведување истражна постапка против едно лице за кривично дело- разбојничка кражба.

Осомничениот 29-годишник, на 12.10.2024 година, влегол во магацин на објект во градба на булеварот „Борис Трајковски” за да одземе разновиден електричен алат, калориметри и други предмети во вкупна вредност од околу 363.000 денари. Кога при кражбата бил затекнат од чувар на градилиштето, осомничениот употребил сила и закана дека ќе го убие, физички го нападнал со тупаници по лицето и тешко телесно го повредил. Потоа побегнал, носејќи со себе една вреќа украдени предмети.

Имајќи предвид дека осомничениот и претходно бил осудуван за кражби, како и начинот на кој го извршил ова дело, јавниот обвинител оцени дека постои ризик од бегство и опасност да го повтори делото, па до судијата на претходна постапка од Основниот кривичен суд Скопје достави предлог за определување мерка притвор.