Црна хроника
Сакал да прошверцува 39 килограми марихуана во собни врати

Специјалните единици на Царинската управа во соработка со полициски инспектори во македонски камион кој пренесувал собни врати за Швајцарија открија и запленија околу 39 килограми марихуана.
Во понеделникот околу 14:20 часот на граничниот премин Ќафасан, за излез од Македонија се пријавил камион со македонски регистарски ознаки управуван од лицето В.К. од с.Ливада, Струшко.
Камионот бил натоварен со мебел, прозорци, врати и гранитни плочки наменети за извоз за физичко лице од Швајцарија.
Поради немање на соодветни услови за детален преглед, возилото и стоката во него со царинска придружба се пренесени до царинскиот терминал во Струга. При деталниот преглед, царинското куче дало индиции дека во внатрешноста на дваесетте собни врати има наркотична материја, поради што една од вратите е избушена бургија и во неа е пронајдена непозната зеленкаста трeвкаста материја.
Останатите 19 врати биле рачно скршени и од нив се извадени вкупно 71 опаковка полни со марихуана, завиткана во прозирна најлонска амбалажа.
Дрогата, возилото и прекршителот се предадени на Одделот за нелегална трговија со дрога при МВР за понатамошно постапување. Против лицето ќе биде поднесена кривична пријава за трговија со дрога. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Крадци го разбиле катанецот и украле сандаци со пчели и мед во Штип

Вчера во СВР Штип, Г.Г. (47) пријавил дека во периодот од 12 до 16 август, со употреба на сила, бил отстранет катанец од метална врата на ограден простор под магистралниот пат Штип-Радовиш.
Според пријавата, одземени се сандаци од пчелни семејства, мед и други предмети.
Се преземаат мерки за расчистување на случајот.
Црна хроника
Бабата алармира: мајка физички го малтретирала тримесечното бебе во Струмица

Вчера во СВР Струмица, 40-годишна жена пријавила дека нејзиното тримесечно внуче било физички малтретирано од мајка му, сопруга на нејзиниот син.
Се преземаат мерки за расчистување на случајот, велат од МВР.
Топ
Две лица тешко повредени во групна тепачка во Скопје, полицијата апсеше од тинејџери до 50-годишни

Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56 години.
По пријава во Полициската станица Бит Пазар, биле приведени С.Д. (50), С.С. (56), А.А. (19), С.Џ. (18), Џ.Р. (21), А.Д. (25), С.Д. (18) и Д.Д. (31), сите од Скопје.
Во тепачката биле користени разни тврди и остри предмети, а со тешки телесни повреди се здобиле С.Д. (33) и А.Д. (27). Уште неколку лица се здобиле со полесни повреди.
Според МВР, се преземаат мерки за расчистување на случајот.