Четириесет итригодишен кумановец фалсификувал платежни картички на странци и подигнувал пари од терминал на домашна банка инсталиран на неговата туристичка агенција, а за што „заработи” кривична пријава „за изработка и употреба на лажна платежна картица”, но е недостапен за полицијата бидејќи подолг период бил надвор од земјата.

Пријавениот кумановец со иницијали С.Б во март и април минатата 2012 година употребил лажни платежни картички на кои вметнал нелегално пријавени банкарски податоци од вистински платежни картички на странски државјани. Притоа, на банкоматот на домашна банка инсталиран на продажно место во туристичката агенција „Талија Травел Трејд ДООЕЛ” во Куманово којашто е во негова сопственост, извршил десет успешни нелегални трансакции со шест различни картички и нелегално подигнал вкупно 681.706 денари.

Кумановецот овие пари ги подигал во готово од сметката на правно лице ТА „Талија Травел Трејд ДООЕЛ” или ги префрлил на сметки на други правни лица.

Инаку, за време на реализацијата на операцијата со кодно полициско име „Русо” во октомври 2012 година бил извршен претрес во домот на скопјанецот М.Н. кој бил организатор на криминална група, при што биле пронајдени три терминали сопственост на три различни домашни банки за кои по извршените проверки било утврдено дека биле инсталирани токму во туристичката агенција „Талија Травел Трејд ДООЕЛ”./крај/мф/сн