Повеќе инциденти со тепачки и каменувања на автобуси се случија во четвртокот низ Скопје.

Во првиот инцидент, дошло до општа тепачка на новата Железничка станица во Скопје, при што со камен било оштетено прозорското стакло на автобус на ЈСП.

Од страна на СВР-Скопје излезено е на лице место, каде се затекнати 11 лица од кои седум се малолетни и тие биле приведени во ПС.„Кисела Вода”, каде по извршениот разговор биле ослободени.

Истиот ден во 20,10 часот, во Скопје на бул. „Крсте Мисирков”, на автобуската постојка, група составена од повеќе лица без повод и причина физички ги нападнале М.А.(16) и М.К.(17) двајцата од Скопје, нанесувајќи им телесни повреди во пределот на лицето.

Претходно, околу 16,45 часот, во Скопје на ул. „Филип Втори Македонски”, во близина на влезот на Градскиот трговски Центар, група од составена од повеќе лица физички го нападнале Ј.А.(18) од село Батинци и удирајќи го со тупаници по главата и телото му нанеле телесни повреди.

Вечерта околу 20,50 часот, во Скопје на ул. „Антон Попов”, непознат сторител извршил каменување на автобус на ЈСП бр. 55, при што со повреди се здобил патникот Н.Н.(23) од Скопје, а било скршено и едно прозорско стакло. /крај/со/мф