Црна хроника
Пијани штипјани напаѓале сограѓани и им ги кршеле возилата
Двајца пијани штипјани со црвен автомобил „фолксваген“ им го попречувале патот на други штипјани ги напаѓале и им ги кршеле возилата, соопшти МВР.
Во четвртокот околу 19.20 часот на раскрсницата „Сремски фронт“ и „Џемал Биједиќ“, триесет и седумгодишен штипјанец кој возел „фолксваген“ бил пресретнат од црвениот „фолксваген“ кој му го попречил патот.
Од црвениот автомобил излегло непознато лице и физички го нападнало штипјанецот. Напаѓачот се вратил во автомобилот, зел метална штипка и повторно се упатил кон штипјанецот, но тој успеал да избега.
Четириесет минути подоцна на улица „Раденски пат“, шеесет и едногодишен таксист кој превезувал двајца патници бил пресретнат од истото црвено возило.
Од него излегло непознато лице со метална шипка во рацете и почнал да удира по автомобилот. Повредени нема, но автомобилот бил искршен.
Приведени се двајца штипјани осомничени за инцидентите, триесет и четиригодишен и триесет и шестгодишен. По направено алко тестирање, кај едниот е најдено 1,48 промили алкохол во крвта, а кај другиот 0,72 промили алкохол во крвта. Против нив ќе следува пријава./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Ограбена аптека во Ново Лисиче, разбојникот уапсен веднаш по грабежот
Вчера во 21.55 часот на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода 30-годишниот Б.П. од населба Илинден, Скопје, извести МВР.
„Тој се сомничи дека околу 21.30 часот во аптека во населба Ново Лисиче со закана со пиштол кон вработените одзел пари од дневниот промет. Пиштолот бил пронајден и одземен, а биле пронајдени и парите и биле вратени на сопственикот“, соопшти МВР.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Гостиварец измамен за сума од 760 евра: преку социјалните мрежи собирал пари за лекување во странство
Вчера во 14.40 часот во ОВР Гостивар, 31-годишен гостиварец пријавил дека бил измамен од едно лице за сума од 760 евра.
Според пријавеното, околу 09.00 часот лицето се јавило преку социјална мрежа и се претставило како Р.М. од Република Србија, кој работел во хуманитарна организација. Како што е пријавено, лицето го видело апелот за помош за негово лекување во странство и сакало да помогне со донација на поголем износ, но било потребно прво тој да уплати 760 евра бидејќи таква била процедурата.
Исто така, според пријавеното, откако ги пратил парите преку брз трансфер на пари, лицето го блокирало, по што сфатил дека е измамен.
Полицијата соопшти дека се преземаат мерки за расчистување на случајот.
Црна хроника
Тепачка во интернат во Битола: таткото го претепал цимерот на својот син
Во СВР Битола вчера во 14.00 часот Ј.Б.(41) од Кичево пријавил дека во неговата соба во интернат во Битола, неговиот малолетен син бил физички нападнат од М.Г.(37) од Вевчани, татко на неговиот цимер.
Полицијата соопшти дека се преземаат мерки за расчистување на случајот.