Црна хроника
Алил Демири последен пат кога му се јавил на брат му, му кажал дека заминал за Белгија
Братот на првообвинетиот за петкратното убиство кај Смилковското езеро, Алил Демири, Кезмедин Демири на 12 април минатата година, дента кога се случи убиството, како вработен во АРМ дежурал во касарната Илинден.
Последен пат се слушнал со неговиот брат, на 24 или 25 април, кога брат му му кажал дека ќе оди да работи во Белгија за да заработи за свадба.
Кезмедин Демири, кој во понеделник сведочеше како сведок на одбраната, не знаеше со кого заминал брат му во Белгија, тие немале роднини таму, но знаел дека браќата Африм и Агим Исмаиловиќ имале роднини во Белгија.
Братот на Алил Демири контактирал и со Сејди Рами, еден од обвинетите, кој бил механичар којшто му го поправал автомобилот.
На прашање на судот дали некогаш му се јавил на Сејди Рами за да го предупреди дека има полиција во Арачиново, Кезмедин повтори, дека целта му била да го предупреди дека има полиција бидејќи не му било регистрирано возилото.
Кезмедин изјави дека на 1 мај во 4 часот, полицијата ги привела без судски налог, а освен него била приведена и нивната сестра.
Судењето за случајот „Монструм“ сè уште тече без првообвинетите, Алил Демири и Африм Исмаиловиќ. Тие беа уапсени на Косово, но косовските власти сега ќе им судат за оружјето кое го најдоа кај нив кога ги уапсија. Сè уште не се знае кога ќе бидат екстрадирани во Македонија за да одговараат за петкратното убиство. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.