Црна хроника
Спречен обид за шверц на 440 мобилни телефони
Цариниците од Аеродромот Александар Велики во Скопје, во координирана акција со Министерството за внатрешни работи, спречија обид за шверц на 440 мобилни телефони.
На 17 мај, на Аеродромот Александар Велики со лет од Истанбул пристигна косовски државјанин кој на царинските службеници им пријави дека со себе носи стока – мобилни телефони која сака да ја стави во соодветна царинска постапка. Пратката е ставена под царински надзор, а три дена подоцна со соодветни царински документи е пријавена за извоз кон Косово.
Инаку, патникот е претходно посочен како ризичен од страна на полицијата.
Пред да ја ослободат стоката, царинските службеници извршија детален преглед споредувајќи ја фактичката состојба со приложените документи. Притоа, утврдено е дека пратката се состои од 440 мобилни телефони, од кои 242 телефони NOKIA -101 воопшто не се пријавени во царинските документи, а за останатите 198 мобилни постои сомнение дека повредуваат права на интелектуална сопственост.
Пријавената вредност на мобилните телефони изнесува 11 илјади американски долари, но доколку би се продавала како оригинал, вредноста би достигнала околу 60 илјади американски долари. Стоката е задржана, за делот од пратката за кој постои сомнение дека повредува права на интелектуална сопственост е отпочната постапка за утврдување на нејзината оригиналност, а против сторителот е поведена прекршочна постапка пред Комисијата за одлучување по царински прекршок. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.