Црна хроника
Американец обвинет за убиство на жената што ја нападнаа неговите кучиња

Американец од сојузната држава Калифорнија е обвинет за убиство на жената која на 9-ти мај ја нападнаа неговите четири питбула, објави јавниот обвинител.
Доколку обвинетиот биде прогласен за виновен, му се заканува казна од доживотен затвор, се истакнува во соопштението на канцеларијата на државниoт обвинител во Лос Анџелес, пренесува AFP.
Дваесет идеветгодишниот Алекс Џексон е обвинет и за занемарување на животните кој ја предизвикале смртта на шеесет итригодишната жена додека рекреативно се занимавала со трчање.
Четирите кучиња ја нападнаа Памела Девит која искрварила на пат до болницата, потсетува весникот The Los Angeles Times. Лекарите на нејзиното тело пронашле 150 до 200 траги на каснување./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.