Најмалку пет лица се убие, меѓу кои и напаѓачот кого полицијата го застрелала во библиотеката на универзитетскиот кампус, во крвавиот поход во близина на Лос Анџелес во сојузната американска држава Калифорнија, соопштија локалните власти.

Осомничениот за нападот облечен во црно дошол на само неколку километри од местото на кое американскиот претседател Барак Обама учествувал на еден донаторски собир, иако нема знаци дека двата настана се во некаква поврзаност.

По размена на оган со полицијата, 20-годишниот напаѓач побегнал во факултетската библиотека. Студентите од колеџот за локалните медиуми ја опишуваат сцената како застрашувачка, По престрелката со полицијата која следела, напаѓачот е убиен.

Во нападот покрај загинатите, ранети се уште пет лица, меѓу кои едно тешко а друго е „во тешка состојба, но стабилно“, изјавил полицискиот началник Ричард Луис.

Сите училишта во околината се затворени, соопшти полицијата, додека во тој кварт во градот Санта Моника владее паника меѓу населението.

Според очевидци кои сведочеле за Reuters имало двајца непознати напаѓачи, од кои едниот стрелал врз автомобилите што се движеле и во автобус. Тој бил уапсен од полицијата на самото место.

Во потрагата по вториот напаѓач, полицијата вршела потера во кампусот на колеџот во Санта Моника и бил откриен во библиотеката каде загинал во престрелката со полицијата. Според локалните медиуми, тој бил вооружен со јуришна автоматска пушка АР-15 и на себе имал панцирен елек./крај/мф//сн