Предмети со историска и културна вредност на Македонија биле најдени во минибус со бугарски регистерски ознаки кој сообраќал на редовна линија Струмица- Софија, управуван од бугарски државјанин.

Царинските службеници во петокот околу 3:45 часот на граничниот премин Ново Село при детална контрола во каналот за вентилација пронашол мала мала кутија завиткана во бела хартија, на која со пенкало било запишано, 1.000 евра. Во неа,  во црвена кутија се пронајдени пет метални монети и еден  метален крст.

Предметите се предадени на експертска анализа од страна на Завод за заштита на спомениците и Музеј – Струмица, додека крстот е од средниот век. Според првичната анализа станува збор за една римска бронзена монета  (од III век од Виминациум), две бронзени монети  (I век Севастос Македон),  една бронзена монета  ( III-II век пред нашата ера Тесалоника), една бронзена монета на Персеј  (II век пред нашата ера) и еден бронзен крст приврзок  (X – XI век од нашата ера).

Крстот е од особена важност бидејќи се смета дека тој е дел од колекција од четири такви исти крстови кои потекнуваат од ископините кај црквата Св. Петнаесет Тивериополски Маченици. На овој локалитет се пронајдени другите три, а овој е четвртиот крст со што се затвара колекција од рано-христијанскиот период.

Антиквитетите се одземени, а против прекршителот, Царинската управа поднесе кривична пријава. /крај/со/фф