Црна хроника
Повредено три годишно дете од автомобил
Во саботата попладне се случи сообраќајна незгода на улицата „Игњат Атанасовски“ во Битола, јави Тера Телевизија, во која прегазено било тригодишно дете.
Како што изјави портпаролот на СВР Битола, Магдалена Димитровска, незгодата се случила на паркинг простор на улицата „Игњат Атанасовски“ во 16.30 минути.
30-годишната битолчанка со иницијали В.С. која управувала со возилото марка „Сеат Ибица,“ поместувајќи го автомобилот на паркинг просторот, удрила во три годишното дете.
Детето веднаш било пренесено на клиниката во Битола, а според полицијата, сместено е на хируршкото одделение, контактибилно е и не е во животна опасност.
Констатирани се телесни повреди, набиеници на лицето, главата и потрес на мозокот.
Полицијата ги истражува причините за тоа како се случила незгодата./крај/тера
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инцидент во филијала за брзи кредити на Бит Пазар: маж со оружје се обидел за земе пари
Инцидент се случил вчера во филијала за брзи кредити на подрачјето на Бит Пазар.
Маж со закана со огнено оружје се обидел да одземе пари од вработената, но во намерата бил спречен од странка во објектот, по што го напуштил местото на настанот, информираа од МВР.
Се преземаат мерки за расчистување на случајот.
Црна хроника
Девојчиња истепани од нивни врснички во Карпош
Две девојчиња биле нападнати вчера од малолетнички на подрачјето на Карпош.
Случајот во МВР го пријавил еден од родителите на девојчињата.
„Околу 18.00 часот, на подрачјето на Карпош, малолетно девојче и неговата другарка биле физички нападнати од две други малолетнички“, објави полицијата.
По целосно документирање на случајот ќе следува соодветен поднесок.
Црна хроника
Покрив и кат од семејна куќа изгореа во Струмица
Денеска околу 09:30 часот во пожар изгореа покрив и кат од семејна куќа на улицата „Спиро Захов“ во Струмица, соопштија од ТППЕ Струмица.
Пожарот го гаснеле три против пожарни возила и 10 пожарникари, кои успеале навреме да го локализираат и ликвидираат и спречиле да се прошири и да предизвика поголема штета.
Во пожарот нема повредени лица, а предизвикана е материјална штета.