Црна хроника
Вработена во Tiffany украде накит од 1,2 млн долари
Поранешна потпретседателка на њујоршкиот јувелир Tiffany е уапсена во вторникот во нејзиниот дом под обвинение дека за три месеца украла накит во вредност од 1,2 милиони американски долари кој потоа го препродала, објави обвинителството на Њујорк во средата.
Ингрид Ледерхас-Окун била од јануари 2011 година потпретседателка на одделот за развој во Tiffany и благодарејќи на тоа можела да зема накит за, на пример, да разговара за него со производителите.
Меѓутоа, за три месеца, од ноември 2012 до февруари 2013 година, оваа 46-годишна жена на тој начин однела 165 парчиња накит чијашто вредност е проценета на вкупно 1,2 милиони американски долари, Накитот го продала на друга јувелирница во Њујорк, за 1,3 милиони долари, тврдејќи дека е нејзин. Отказ добила во февруари годинава, а кражбата е откриена дури откако заминала.
Според обвинението, и` се заканува казна затвор до 30 години./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.