Црна хроника
Еден мигрант убиен, тројца повредени кај Табановце
Еден мигрант е убиен, а уште тројца се повредени синоќа околу два часот во меѓусебна престрелка што се случила кај граничниот премин Табановце, соопштуваат од МВР.
Инцидентот го пријавил некој од мештаните кој два часа полноќ видел групна тепачка, слушнал викотници и пукање. Полицијата на лице место пронашла еден мртов мигрант и тројца ранети.
Дел од медиумите јавија дека е починат уште еден од мигрантите, но засега од МВР немаат таква информација.
Според информациите од МВР, се работи за мигранти кои сакале илегално да ја преминат границата и да одат во Србија, при што биле пресретнати од неколку лица кои од огнено оружје пукале кон нив.
На повредените лица им е укажана лекарска помош во Ургентен центар Куманово од каде поради карактерот на повредите се пренесени во Клинички центар Скопје.
Се уште не се знае идентитетот на убиениот и повредените, а увидот на лице место се уште трае. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.