Црна хроника
Фризерката тврди дека и таа била измамена, меѓу оштетените и Миле Кузмановски
Фризерката Благица Дончевска, која е осомничена за измама со станови пред судот тврдеше дека и таа била измамена од страна на нејзин роднина, Кирил Ситниковски.
Тој и се претставил како владин претставник во проект за купување станови за млади брачни двојки и за лица со посебни потреби, помогнат од владите на Холандија и на Белгија.
Дончевска нему му дала 35.000 евра за три стана, за кои тој ја убедувал дека се продавале во пакет, јави репортерот на Макфакс.
Се согласила парите да му ги даде во кеш, а тој не и покажал никаква документација сè до денот кога му ги дала парите, кога и покажал некое Решение.
Тој тврдел дека познавал човек со име Ангел Лазаров којшто стоел зад овој проект и кој наводно бил инспектор во Министерството за труд и социјална политика.
Кирил ја упатил нејзе во проектот и дал список со станови во Ѓорче Петров и во Ново Лисиче и според тој список, Дончевска понатаму ги продавала становите околу 400 евра по квадрат. Понатаму дел од парите му ги давала на Кирил, а дел задржувала за себе.
Таа воопшто ги немала видено становите и не знаела дека сигурно постојат, ниту некој од оштетените, пак, побарал некаква документација.
„Јас не негирам дека има извршено уплати за станови на трансакциската сметка на татко ми, но јас не се претставував како владин претставник“, рече Дончевска пред судот.
Со дел од оштетените се запознала преку нејзината сестра која била хендикепирана.
Таа се правдаше пред судот дека дел од оштетените земале провизија за продадените станови и дека тие доброволно барале други лица кои би уплатиле пари на нејзината сметка и би ги купиле овие станови.
Меѓу оштетените е и пејачот Миле Кузмановски. Кога влегоа камерите да ја снимаат обвинетата, таа го покри своето лице и почна да плаче, јави репортерот на Макфакс.
Судењето е во тек и оштетената уште дава исказ пред судот.
Дончевска е обвинета дека оштетила околу 40-тина граѓани, им продавала лажни станови за евтини пари, а парите и ги уплаќале на сметката на нејзиниот татко, бидејќи нејзината била блокирана. Според првичните информации на МВР, се работи за измама тешка околу 800.000 евра. /крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Охриѓанец приведен откако со дрвен предмет и нож нападнал сограѓанин
Полициски службеници од СВР Охрид синоќа, на 31 јануари 2026 година во 23:20 часот, го лишиле од слобода Г.А. (49) од Охрид, по пријава за насилен инцидент што се случил на улицата „Марко Нестороски“.
Според информациите од Министерството за внатрешни работи, осомничениот најпрвин со дрвен предмет го нападнал Р.С. (40) од Охрид, по што извадил нож и замавнал кон него. Со брза интервенција на полицијата, напаѓачот бил приведен, со цел спречување на понатамошна ескалација на насилството.
По целосно документирање на настанот, против Г.А. ќе биде поднесена соодветна пријава, согласно законските прописи.
Црна хроника
Седумдесет и петгодишен маж е најден починат во шахта
Седумдесет и петгодишен маж вчера е пронајден починат во шахта за водовод во гостиварското село Дебреше, информираат од Министерството за внатрешни работи (МВР).
„Вчера попладне С.Р., жител на Дебреше во полиција пријавил дека во шахта за водовод лоцирана во куќата на неговиот братучед го пронашол починат неговиот вујко А.Џ. (75)“, се вели во полициското соопштение.
На местото на настанот, увид извршиле јавен обвинител и екипа на криминалистичката полиција.
Телото на починатиот е предадено на обдукција, со цел да се утврдат точните причини за смртта.
Црна хроника
При контрола на СВР Тетово, одземени ножеви и боксирач од деца
Министерството за внатрешни работи информира дека се одземени ножеви и боксирач од малолетници при вчерашната акциска контрола на СВР Тетово спроведена во периодот од 14:00 до 16:00 часот во угостителски објекти на подрачјето на Тетово.
-При контрола во угостителски објект на улица „Љубо Божиновски Пиш“, кај 17-годишен малолетник биле пронајдени и одземени неколку ножеви и метален „боксирач“. Истовремено, при контрола во објект во склоп на Спортскиот центар, кај двајца малолетници биле пронајдени и одземени ножеви, се наведува во соопштението на МВР.
Од МВР посочуваат дека сите малолетници се приведени во полициска станица во присуство на родители, а по целосно документирање на случајот биле предадени на нивните родители.

