Во атар на с.Долни Балван, штипско, полициски службеници од СВР Штип вчера привеле три лица од Штип, кај кои била најдена дрога.

Кај С.И.(27), К.М.(25) и И.И.(28), била пронајдена околу еден килограм марихуана.

Тие биле приведени во полициска станица и по целосно документирање на случајот против нив ќе биде поднесена соодветна пријава.

Малолетник од Битола бил фатен додека крадел велосипед, информира МВР.

Вчера, во 10.50 часот, на улицата Мито Хаџивасилев Јасмин во Скопје, полициски службеници од ЕВР Центар – Бит-пазар лишиле од слобода малолетник од Битола затоа што бил затекнат во обид да изврши кражба на велосипед, сопственост на М. А. (62) од Скопје.

По целосно документирање на случајот, ќе биде поднесена соодветна пријава.

27-годишно лице од Скопје било погодено од огнено оружје од страна на непознат сторител, соопшти полицијата.

Имено, синоќа, во 00.06 часот, во СВР Скопје, од Ургентниот центар при комплексот клиники „Мајка Тереза“ било пријавено дека кај нив со повреди во ногата од огнено оружје бил донесен Б. И. (27) од Скопје.

Според пријавеното, Б. И. отиштол во својата викенд-куќа во с. Кучково со Б. Л. и кога излегол од возилото, бил погоден од огнено оружје од страна на непознато лице.

За настанот бил известен јавен обвинител и се преземаат мерки за расчистување на случајот.