Црна хроника
Осум лица повредени во сообраќајка кај Гостивар
Осум лица, меѓу кои има и деца, повредени се во сообраќајна несреќа што се случи во средата попладне во близината на Гостивар. Според првичните информации, четири лице се потешко повредени.
Како што пренесе порталот „Курир“, станува збор за судир меѓу „Голф“ со италијански регистерски таблички, „Опел Астра“ со кумановски ознаки и „Пежо 207“ со охридски таблички.Во несреќата повредени се вкупно 8 лица, од кои четири се здобиле со посериозни повреди. Меѓу повредените има и две малолетни деца, изјави за Курир, портпаролот на СВР Тетово Марјан Јосифоски.Сите повредени итно биле пренесени во гостиварската болница, а четворицата кои имаат посериозни повреди се префрлени во скопските клиники.Несреќата се случила на излезот од Гостивар, кај првата асфалтна база, а до завршувањето на увидот, прекинат е сообраќајот на двете коловозни ленти./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд куќа во Берово: уапсен 36-годишен маж
Вчера во 18.40 часот во викенд куќа на ул „Туристичка“ во Берово, полициски службеници од Полициската станица Берово го лишиле од слобода Б.Ч.(36) од Берово.
Тој бил затекнат при извршување на кривично дело „тешка кражба“ од викенд куќата, од каде одзел повеќе предмети.
Бил задржан во полициска станица и во службен разговор признал уште едно кривично дело „тешка кражба“ од друга викенд куќа.
Дел од одземените предмети биле пронајдени и вратени на оштетените граѓани. По комплетирање на случаите, против Б.Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.