Црна хроника
Вредноста на украдениот накит во Кан 136 милиони долари
Вредноста на дијамантите и накитот украден во недела од една изложба во хотелот Карлтон во Кан изнесува дури 136 милиони долари(околу 103 милиони евра) што е речиси трипати повеќе од првичната проценка.
Вредноста на накитот првично беше проценета на 40 милиони евра, но државниот обвинител на Франција во понеделник објави нови податоци.
Грабежот се случи во недела во хотелот Карлтон во Кан, кога арамијата го грабнал ковчежето со накит и побегнал.
Медиумите јавија дека изложбата на накит ја организирала фирмата Левиев.
Во разговор за АП, полицијата изјави дека грабежот го извршило едно лице, а постои сомневање дека тоа го направил Босанецот Милан Попариќ, член на криминалната група Пинк Пантер, кој пред неколку дена побегна од затвор во Швајцарија.
Попариќ, кој отслужуваше затворска казна од речиси седум години заради грабеж на една златарница во 2009 година, е трет член на Пинк Пантер што побегна од затвор во Швајцарија од мај.
Мнозинствфото членови на оваа група се од Балканот, а станаа познати по кражбите на драгоцености ширум светот.
За време на Канскиот филмски фестивал во мај крадците украле накит вреден 1,4 милиони долари, потсетува агенцијата Франс прес.
Арамиите упаднале во хотелската соба на Американска вработена во швајцарската компанија Chopard и го однеле сефот. /крај/кл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена тврди дека поранешниот партнер ја натерал да земе кредити за него, а потоа не ги плаќал ратите и ѝ се заканувал, полицијата во Охрид постапува
Во Охрид, полицијата спровела службен разговор со 40-годишен маж од Гевгелија, по пријава на неговата поранешна 47-годишна партнерка, која тврди дека тој се однесувал агресивно кон неа и ѝ упатувал закани.
Жената во пријавата навела и дека поранешниот партнер ја измамил, убедувајќи ја да земе кредити на нејзино име за него, а потоа одбивал да ги плаќа ратите.
Од МВР соопштуваат дека по целосно документирање на случајот ќе биде поднесена соодветна пријава против мажот.
Црна хроника
Млади лица приведени во Аеродром и Центар оти се однесувале агресивно со полицајци
Полицијата во Скопје во неделата (9 ноември) привела две лица кои агресивно се однесувале кон полициски службеници додека извршувале службени дејствија.
На подрачјето на општина Аеродром, бил приведен Ф.Ц. (28) од Скопје, а во Центар, полициските службеници го привеле и А.М. (24) од Скопје, поради истата причина.
Од МВР информираат дека по целосно документирање на двата случаи ќе следуваат соодветни поднесоци.
Црна хроника
Скопјанка пријавила напад и закана со оружје, нејзиниот партнер тврди дека таа фрлала предмети кон него
Партнери од Скопје меѓусебно се пријавиле за напад и закани.
Прво, во неделата (9 ноември) околу 12:30 часот, 38-годишна жена пријавила во полиција дека нејзиниот 45-годишен партнер претходната ноќ, околу 00:30 часот, во неговиот дом во скопско ја нападнал со тврд предмет и ѝ се заканувал со огнено оружје.
Неколку часа подоцна, околу 15:50 часот, истиот маж се појавил во полициската станица и поднел пријава против својата партнерка, тврдејќи дека и тој бил нападнат, при што таа фрлала предмети кон него и оштетила дел од покуќнината.
Од МВР велат дека се преземаат мерки за целосно расчистување на случајот.

