Црна хроника
Драма на Охридското Езеро со среќен крај

Вистинска драма се случуваше ноќта во средата кон четвртокот на Охридското Езеро, кога две момчиња на гумен чамец носени од силните струи и ветрот исчезнаа во воденото пространство.
Како што јавува Ohridnews, момчињата околу 20 часот со гумениот чамец влегле во Езерото, а петнаесетина минути подоцна во охридската полиција било пријавено нивното исчезнување, по што започнала интензивна потрага.Очевидец ја информирал полицијата за правецот на движење на чамецот, но ноќта ја отежнала потрагата. Патролата на Езерската полиција по повеќечасовна потрага, рано утрово во 5 часот ги нашла момчињата живи во близина на Св. Наум.Повеќе информации за случајот што ја вознемири јавноста се очекуваат во текот на денот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.