Црна хроника
МВР демантира постоење обуки на терористи во Македонија
Министерството за внатрешни работи ја демантираше веста во која се тврди дека во Македонија се обучуваат терористи од Балканот подготвени во секое време да извршат самоубиствени напади, што ја објави руското радио„Гласот на Русија“.
„Во континуитет ја следиме безбедносната состојба во Македонија, но и во регионот. Во моментот нема никаков посериозен ризик по безбедноста на граѓаните. Ние сме подготвени веднаш да реагираме и да неутрализирам каква било опасност и закана за безбедносната состојба“, вели Иво Котевски, помошник министер за односи со јавноста во МВР.
Рускиот медиум тврди дека муслимани од Балканот познати како „бели ѓаволи“ се обучуваат во Македонија, Албанија и во Косово за извршување на самоубистени напади со цел побрзо да се создаде обединета исламска држава на териториите на Босна, Албанија, Косово, Македонија, јужниот дел на Србија и на Црна Гора.
Според руското радио „Гласот на Русија“ на Балканот се спроведува исламистичкиот план „Европа 3000“.
Радиото, повикувајќи се на руски разузнувачки служби, посочува дека на неколку места на Балканот се обучуваат идни терористи под закрила на „хуманитарни организации“ со пари од оружје и дрога.
Целта е да се најдат муслимани со словенски изглед кои подоцна лесно ќе се движат во Америка и во Европа и ќе го спроведуваат планот за создавање исламистичка Европа.
Зад овие обуки, според „Гласот на Русија“ стои Албанската национална армија (АНА или АКШ), организацијата – наследник на УЧК./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.