Црна хроника
Уапсени над 50 членови на Франкфурт мафијата
Македонската и германската полиција уапсија уште 50-тина членови на Франкфурт мафијата, во продолжението на акцијата „Диригент“ којашто се спроведува од 2009 година и се апсат лица кои продавале дрога во Франкфурт и переле пари преку македонски фирми.
Во Македонија уапсени се 12 лица, едно лице веќе издржува казна затвор за друго кривично дело, а по уште тројца осомничени за растурање на дрога сè уште се трага. Во Германија пак, според првичните информација уапсени се 37 лица, од кои 19 се македонски државјани, а другите се странски државјани кои соработувале со овие криминални групи.
Македонската и германската полиција изминатава година обезбедувале дополнителни докази против лицата инволвирани во криминалните групи. Шестмина од уапсените во Македонија најверојатно се директно инволвирани во трговијата со наркотици, додека за другите десет лица постојат индиции дека се инволвирани во перењето на пари кои нелегално биле заработувани преку продажба на дрога.
„Сè уште течат претресите во домовите со судска наредба, а ќе се врши претрес и во фирмите бидејќи постојат индиции дека биле користени при извршувањето на перењето на пари при ставањето во легален промет на парите коишто биле заработени од незаконската продажба на наркотици на улиците во Франкфурт, а потоа трансферирани за Македонија“, изјави помошникот министер за односи со јавност при МВР, Иво Котевски.
Упапсените биле членови на три различни криминални групи коишто биле поврзани меѓу себе, а дрогата ја купувале во Македонија и други земји членки на Европската унија, ја подготвувале, ја мешале и ја нуделе на улиците на Франкфурт. Главно продавале хероин.
Вкупно од 2009 година наваму, во Македонија и Германија уапсени се околу 450 лица, од кои 380 во Македонија за продавање на дрога во Франкфурт и перење пари./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.