Петмесечно дете го загуби животот на подвижна лента за посебен багаж на аеродромот во Аликанте, во југоисточна Шпанија, којашто почнала да се движи поради родителска негрижа, соопшти во четвртокот портпаролката на аеродромските власти.

Мајката, американска државјанка, чекала со детето багаж по летото од Лондон ноќта кон четвртокот, со нив бил и таткото, канадски државјанин, додала портпаролката.

„Детето било положено на подвижната лента. Не знам дали било директно на лената или во количка“, додала. Бебето било одвлечкано до порталот каде што велгуваат и повторно излегуваат предметите, каде останало заплеткано и заробено.

„Станува збор за лента за специјален багаж, како што се колички и поголем и предмети, којшто се вклучила а родителите тоа не о забележале“, според управата на меѓународниот аеродром во Аликанте.

„Се чини дека станува збор за несреќен случај, во моментот на родителско невнимание. Меѓутоа, точните околности за смртта на бебето се истражуваат“, изјавил портпаролот на локалната служба за цивилна заштита.

„Медицинската служба на аеродромот се обидела да го реанимира детето, но не можел ада стори ништо“, додала портпаролката на аеродромот.

Агенцијата Europa Press цитирајќи неименуван извор од „Aena“, аеродромскиот оператор шпекулира дека тежината на детето и неговиот носач го активирале сензорот за ставање во погон на лентата./крај/мф/сн