Црна хроника
Тепачка во Струга за време на настанот „Стоп за насилството“
Тепачка меѓу две групи ученици се случила во четвртокот околу 13 часот во дворот на струшкото средно училиште „Нико Нестор“, за време на одржувањето на манифестацијата во рамки на проектот „Стоп на насилството“, јавува Охридњус.
Причина за тепачката помеѓу двете групи деца, сите од албанска националност од Струга и околните струшки села, како што информираат од СВР Охрид, била нетрпеливост помеѓу двајца од учениците.
Полицијата веднаш интервенирала и ги разделила учениците, а на информативен разговор во полициската станица во Струга бил повикан еден ученик, за кој се смета дека е организатор на тепачката.
Од СВР Охрид велат дека познат е идентитетот на сите учесници во тепачката, кои во придружба на нивните родители ќе бидат повикани на информативен разговор во струшката полициска станица./крај/охридњус
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.