Црна хроника
Хоџа: Ако новата албанска власт не ги осуди виновниците, ќе им пресудам самиот
Ардијан Хоџа, син на исчезнатиот македонски бизнисмен Ремзи Хоџа пред 18 години во Тирана, најави одмазда во согласност со стариот албански канун на Лек Дугаѓини.
Тој најави дека ако и новата власт во Албанија не ги осуди виновниците „ќе побара потоа и меѓународна правда, и таму ако не ја најдам ќе се одмаздам онака како што се вели во стариот закон на Лек Дугаѓини“, вели синот на Ремзи Хоџа за албанските медиуми.
„Сали Бериша беше тој што го нареди убиството и сега да видам што ќе преземе новиот состав на Владата и правдата. Еди Рама како премиер треба да преземе мерки за да одговараат убијците на мојот татко“, наведува Ардијан Хоџа.
Во досегашните судски процеси за исчезнувањето на Хоџа се обвинети и осудени агенти на ШИК , но не е утврдено местото каде се моштите на по сè изгледа убиениот Ремзи Хоџа кој, како што беше наведено во судската постапка од страна на албанската тајна служба, наводно бил товарен за соработка со УДБА. /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.