Црна хроника
Спречен шверц од 100.000 евра на скопскиот аеродром

Турски државјанин со српски пасош, се обидел да пренесе нешто помалку од 100.000 евра преку пункт на аеродромот „Александар Велики“, но бил спречен.
Безбедносните служби на „ТАВ Македонија“ сперчија шверц од 99.200 евра на скопскиот аеродром „Александар Велики“.
Во неделата, патникот со иницијали О.М. се обидел да ја пренесе поголемата сума на девизи преку пунктот за преглед, но сигурносниот тим го спречил во намерата и го пријавил на царинските и на полициските службеници.
При проверка на документите утврдено е дека се работи за турски државјанин кој поседува пасош од оваа држава, но и од соседна Србија. Тој требало да патува за Истанбул. Сумата од речиси 100.000 евра е пронајдена во рамки на процедурата за безбедносен преглед на патници и кабински багаж.
Станува збор за редовна контрола во која вработените на „ТАВ Македонија“ проверуваат дали патниците во себе имаат предмети кои не се дозволени за изнесување согласно позитивните законски прописи.
Лицето О.М. се обидело нелегално да ги изнесе парите од земјата без претходно да ги пријави. Задржан е и не му е дозволено да продолжи со патувањето./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени седум полицајци, осомничени дека помогнале дискотеката „Пулс“ да добие лиценца

Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција донесе наредба за спроведување истражна постапка против седум полициски службеници. Според дејствата опишани во наредбата, постои основано сомнение дека осомничените сториле кривично дело тешки дела против општата сигурност.
Kако службени лица вработени во СВР Штип и ПСОН Кочани како соизвршители, осомничените, изготвувајќи, потпишувајќи и одобрувајќи позитивна согласност, му овозможиле на правно лице да стекне лиценца за вршење угостителска дејност – кабаре иако објектот не ги исполнувал законските услови за работа.
Осомничените сите заедно предизвикале значителна опасност за животот и телото на луѓето овозможувајќи кабарето да работи во супстандардни услови, при што на 16.3.2025 година во објектот настана пожар, во кој починаа 59, а 196 добија тешки телесни повреди.
Ценејќи дека се исполнети условите, јавниот обвинител до судијата на претходна постапка достави предлог за определување мерка притвор за сите седум лица.
Црна хроника
Пронајден починат осуденик во затворот „Идризово“

Синоќа во 22.55 часот во СВР Скопје, од Казнено – поправната установа Затвор Идризово било пријавено дека во установата бил пронајден починат осуденикот З.М.(33) од Куманово.
Лекар констатирал смрт, а по наредба на јавен обвинител телото на починатиот било дадено на обдукција.
Црна хроника
Приведени тројца крадци од Прилеп: украдениот накит и другите предмети вратени на сопствениците

Вчера во Прилеп, полициски службеници од ОВР Прилеп ги лишиле од слобода Е.В.(27), Е.В.(47) и Г.Г.(30), сите од Прилеп.
При претреси во нивните домови, извршени со наредба од Основен суд Прилеп, биле пронајдени накит и други предмети кои потекнуваат од кривични дела „тешка кражба“, извршени во куќи во Прилеп.
Предметите биле вратени на сопствениците, а лицата биле приведени во полициска станица. По целосно документирање на случаите, против лицата ќе бидат поднесени соодветни пријави.