Црна хроника
Почна судењето за грабежот во поштата, можно е денеска да има пресуда

Десетмина вработени во Македонски пошти, обвинети за грабежот во поштата во Чаир што се случи одговараа на прашањата на судијата, обвинителство и адвокатите за тоа како биле украдени 200 илјади евра од поштата.
Повеќето од нив останаа на исказот што го дале во истрага, не дополнуваа ништо, само одговараа на прашањата. Рекоа дека сé работеле според закон и според допис.
И покрај големиот интерес на јавноста судењето се одвиваше во една од малите судници во судот, па новинарите немаа нормални услови да го следат судењето.
Најверојатно пресуда за овој случај ќе има денеска, повикани се и сведоците и оштетените за случајот.
Исказ пред судот даде и директорот на Македонски пошти, Рафиз Алити, кој беше повикан како оштетен, односно претставник од поштата.
Според обвинението, обвинетите несовесно ги извршувале своите овластувања и должности и овозможиле маскирани и вооружени лица да украдат 200 илјади денари.
Крадците, според МВР, влегле преку незаклучени безбедносна решетка и врата од службениот влез. Потоа влегле во ходникот пред втората заштитна решетка, која исто така не била заклучена, а на крајот и во просторијата на благајната каде што исто така имало безбедносна решетка и врата кои не биле заклучени и затворени во согласност со безбедносните прописи и правила.
Инаку, за големиот пожар кој избувна во главната зграда на Македонски пошти осомничен беше Арменд Фазлиу, шефот на кабинетот на Рафиз Алити, кој пред неколку дена беше пуштен во куќен притвор. Алити реагираше дека приведувањето е политички мотивирано. Во пожарот имаше голема материјална штета, а изгореа и муралите на познатиот македонски уметник Борко Лазоски. /крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени седум полицајци, осомничени дека помогнале дискотеката „Пулс“ да добие лиценца

Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција донесе наредба за спроведување истражна постапка против седум полициски службеници. Според дејствата опишани во наредбата, постои основано сомнение дека осомничените сториле кривично дело тешки дела против општата сигурност.
Kако службени лица вработени во СВР Штип и ПСОН Кочани како соизвршители, осомничените, изготвувајќи, потпишувајќи и одобрувајќи позитивна согласност, му овозможиле на правно лице да стекне лиценца за вршење угостителска дејност – кабаре иако објектот не ги исполнувал законските услови за работа.
Осомничените сите заедно предизвикале значителна опасност за животот и телото на луѓето овозможувајќи кабарето да работи во супстандардни услови, при што на 16.3.2025 година во објектот настана пожар, во кој починаа 59, а 196 добија тешки телесни повреди.
Ценејќи дека се исполнети условите, јавниот обвинител до судијата на претходна постапка достави предлог за определување мерка притвор за сите седум лица.
Црна хроника
Пронајден починат осуденик во затворот „Идризово“

Синоќа во 22.55 часот во СВР Скопје, од Казнено – поправната установа Затвор Идризово било пријавено дека во установата бил пронајден починат осуденикот З.М.(33) од Куманово.
Лекар констатирал смрт, а по наредба на јавен обвинител телото на починатиот било дадено на обдукција.
Црна хроника
Приведени тројца крадци од Прилеп: украдениот накит и другите предмети вратени на сопствениците

Вчера во Прилеп, полициски службеници од ОВР Прилеп ги лишиле од слобода Е.В.(27), Е.В.(47) и Г.Г.(30), сите од Прилеп.
При претреси во нивните домови, извршени со наредба од Основен суд Прилеп, биле пронајдени накит и други предмети кои потекнуваат од кривични дела „тешка кражба“, извршени во куќи во Прилеп.
Предметите биле вратени на сопствениците, а лицата биле приведени во полициска станица. По целосно документирање на случаите, против лицата ќе бидат поднесени соодветни пријави.